لية سيبنى بعافر وانت عارف انى مش قادرة

لية سيبنى بعافر وانت عارف انى مش قادرة
انا حاسة انى بغرق فى هموم ومشاكل انا مش قدها
وخلاص معوتش قادرة اشيل من تانى زيها .
يابويا فينك لية سادد ودنك عنى
لية سيبنى عمالة بعانى ويا همى
بقى كدة يا بويا هنت عليك
بقى كدة تسبنى اضيع من بين ايديك
اوعى تكون نستنى يابويا
لا يابويا افتكرنى انا كنت فى يوم صنعة ايديك
انا كنت يوم قاعدة تحت رجليك
طيب افكرك ازاى ولا باية ؟؟؟
بس انا عندى احساس انك مش نسينى
عندى احساس قريب هتلقينى
امتى تيجى يابويا وتشيل من عليا الحمل
امتى تيجى ودخل لقلبى الفرح
صدقنى مش قادرة
مش قادرة استحمل تل هموم
ولا عارفة من تانى اقوم
امتى تيجى يابويا وتخدنى فى حضنك
امتى تيجى وتورينى شكلى على كفك
بترجاك متتاخرش عنى
لان ابليس اتملك من ياسى وهمى
عايز يشككنى فيك
عايز يقولى انك نستنى ومش هرجع تانى ليك
بس يابويا انا بعافر معاة
بس خايفة يغلبنى بغواية
لا يابويا استحالة ابدآ يجى اليوم دة
استحالة علشان تجربة ابيعك لا
انا واثقة فيك وبيك هغلب واقوم واخد اكليل
بس انت اسندنى وبايدك ارفعنى
وانا هرجع من تانى اقولة ابويا معايا وهغلبك
مش هسيبك تدمرنى ولا ضيع مراث ابويا ليا
وهرجع تانى لحضنك وافرد ايدى وترفعنى لكتفك واقولك واحكيلك زى زمان
بس انت متسبنيش من تانى اتحرم من حنانك