ااااافرح ازاى ؟؟؟؟؟

مخنوقه كعادتى
ما انتوا عارفنى
ديما مخنوقه وقاعده لوحدى

صوت يقولى طب لما هو كعادتك
مقومتيش ليه تتكلمى معاه
قومى يالا ومتكسليش
اجرى على يسوع وعاتبيه

سمعت الصوت وجريت عليه
حطيت صورته قدامى وقولتله :
مش هقولك ده كله ليه
لكن انا هطلب منك تقولى
قولى افرح ازاى
علمنى انت ازاى افرح
علمنى انت ازاى رغم هموم الدنيا
اكون مبســــــــــــوطه
قولى يا ابويا وريحنى
واوعى تحسسنى انك مش سامعنى
لازم ردك حالا يوصلنى
والا بجد انا هزعل منك

ايوة قولتله كده اصل بحب اتكلم معاه بكل الاساليب
بحب اتعامل معاه كأخويا وابويا وحبيبى وصاحبى كمان

فعلا الرد واصلنى
ماما جات وكلمتنى
قالتلى بص يا حبيبتى لو عاوزة تفرحى
بصى لصورته واتأملى .. انسى هموم الدنيا وسط حنانه
عنيه بتشع نور وحنان لان هو راعينا وديما بيدينا الامان

لو عاوزة تفرحى يا حبيبتى
افتكرى هو اتعذب اد ايه عشانك
هتعرفى ساعتها ان همومك ويا احزانك
متسويش اى حاجه جمب عذباته عشانك
حطى صورته قدامك وانسى الدنيا معاه

سمعت الكلام وريحنى
خرجت ماما من الاوضه
وقعدت تانى لوحدى
وبدل ما كنت بشكيله
ابديت معاه فى حكايه غرام
قولتله بحبك اوى لانك ديما بترد عليا
نسيت همومى وفكرت فيه هو وبس

يا ترى تعرفوا تفرحوا زيى
انا فرحانه بأبويا
فرحانه اوى لانه علمنى ازاى اكون فرحانه

يا ترى هتعرفوا تعملوا زيى ؟؟؟؟؟؟؟؟؟؟؟؟؟؟؟

» ازاى نكون أمة مقدسة؟؟
» ازاى اكون صداقـــــــــه مع المسيـــــــــــــــح ؟؟
» ازاى نقترب من ام النور
» لكل اللى عايز يتعلم ازاى نحضر درس لمدارس الاحد يا رب يعجبكم