ربي يسوع بشكرك إن إنت بتسمع الصلوات
أنا جايلك وأنا عارف إن فية وقت كتير فات
أنا جايلك وأنا محتاج تسمعني عشان أنت اللي تقدر تحيي الأموات
كتير يارب ضيعت وقت و مش بس وقت في الحقيقة أوقات
مش عارف أقول اية ماليش عذر إنت يا يسوع اللي عارف الإحتياجات
إرحمني يا أبويا أنا من غيرك مش حقدر أعمل حاجة في كل الحاجات
إرحمني يا أبويا إنت وحدك اللي تقدر تعوضني الوقت اللي فات
باعترف قدامك يا أبويا بتقصيري و بأهمالي بس عارف إنك مش حترضى يتقال على ولادك مش حلوة حاجات
أسألك ياأبويا تبارك في اللي إتبقى من الساعات
أسألك ياأبويا ترشدني أذاكر إية في المذكرات
بأحطها بين إيديك اللي بتقوم الأموات
يا يسوع بارك فيها زي ماباركت في السمكتين والخمس خبزات
وخلي يا يسوع بركتك تغطي كل الإمتحانات
أنا جاي بطلب من اللي من حبة عشاني مات
بأحتمي يا يسوع في دمك يا رب السموات
أنا إبنك الغالي عليك ساعدني في الإمتحانات
واثق يا أبويا إنك حتستجيب كل الصلوات
بشفاعة العدرا مريم القوية في الشفاعات
والبابا كيرلس حبيب الطلبة والطالبات
آمين إستجب يا يسوع يوم ندعوك في كل الأوقات .