لازم تسمعنى و مش تخزلنى

قاعد مخنوق
نفسى فى حاجه اوى
وطلبتها منه وبكل الطرق
بدئت احس انه مش سامعنى

خوفت وقولت اوعى تخذلنى
هديت شويه ووقفت اصلى
قولت انا مش هسكت
لازم يسمعنى

انا متأكد مش هيخذلنى
ما انا يامه اتكالت عليه
وعمره ما كسفنى

قولتله : يارب انا واثق فيك
عارف انك سامعنى وعارف انك عاوز ليا الصالح
انا محتاجلك مش محتاج لحد تانى

انت بس قادر تحس بيا وعارف اللى فى نفسى
اوعى تسبنى يا ابويا واوعى تخذلنى
راحتى يا ابويا وانا معاك

اصلك انت وحدك اللى فاهمنى
بتعرف عاوز اقولك ايه من بل ما اتكلم
والاقى ردك وصلنى قبل ما اقولك ع اللى حصلى

عارف انى يامه عملت نفسى مش سامعك
عارف انى يامه اهانتك
وبأعمالى كمان صلبتك
وبأيديا يارب طعنتك
اتخليت عنك كتير

لكن انت عمرك ما بعدت عنى ولا خذلتنى
اتعودت اكون انا القاسى وانت ابويا الحنين اللى مستحملنى
ارجوك يا ابويا اوعى تخذلنى
انا بحبك انا محتاجلك اوعى تسبنى