حوار مع البطل الروماني
كنت بقرا ذكصولوجية امير الشهدا
مارجرجس الروماني بطلنا اللي بيصليلنا دايما في السما
بس وقفت عند ربع عجيب
. عظيمة هي كرامتك يا سيدي الملك جرجس المسيح يفرح معك في أورشليم السمائية
فسالت امير الشهدا
وجاوبني بكل اتضاع
سيدي الملك جوارجيوس
اولا كل سنة وانت معانا ياامير شهدانا تسمحلي اسألك سؤال
ازاي في الذكصولوجية بتاعتك مكتوب
المسيح يفرح معك في اورشليم السمائية
هو المسيح يفرح معك
ولا انت تفرح مع المسيح
فهمني من فضلك
قام قاللي
اتضاع حبيبي ومخلصي رب المجد يسوع اتضاع عجيب
ياسلام عليك يارب يسوع
انتي نسيتي
مش هو اللي قال
"لذتي في بني ادم"
فرحته مع اولاده من بني البشر
من كتر محبته ليهم
عجيب اوي يارب
ان واحد زيي ممكن تفرح معاه في اورشليم السمائية
ربنا يسوع متواضع اووووووووي
وبيحب اولاده اووووي
حتي في العهد القديم
هو اللي كتب الوصايا العشر واعطي موسي اللوحين
وبعدين سماهم
(ناموس موسي)
خلق ابراهيم واسحق ويعقوب
وسمي نفسه
(اله ابراهيم واسحق ويعقوب)
ودلوقتي هو اللي بيفرح قلبي بوجوده معايا في الفردوس
لكنه سمح انهم يقولوا في تمجيدي
(المسيح يفرح معك في اورشليم السمائية)
متشكرة جدا ليك يابطلنا
اذكرنا امام عرش النعمة
علشان نفرح احنا كمان مع مسيحنا حبيبنا