الهى و حبيبى يسوع المسيح
اشكرك على كل حاجه انت عملتهالى اشكرك انك معايا و مش سايبنى ابدا
اشكرك على محبتك الجميله ليا دى
اشكرك انك معينى و رجائى
انا مليش غيرك يا الهى
معنديش صديق معايا فى طريقى غيرك
و دايما ببتعد عنك و انت ترجعنى
و تاخدنى فى حضنك من تانى
مش بتسبنى ابدا معايا علطول و حمينى و سترها عليها
يا يسوع انا مليش غيرك
معنديش حضن دافى غيرك حضنك
ضمنى لحضنك الجميل الدافى ده
متخلنيش احس انى ضعيف غير وانا بعيده عنك
انت قوتى و فرحتى ومعايا دايما
ساعدنى انى امشى فى طريقك
ساعدنى انى مسبش حضنك الدافى ابدا
خلينى معاك خليك معايا
سامحنى و ارحمنى على كل حاجه عملتها
زعلتك و خليتك تبكى بالدم
انت مت و اتصلبت علشانى
وانا فى المقابل بعمل كل حاجه تزعلك و تضايقك منى
انت مدت ايدك علشان تخدنى فى حضنك فى الوقت الى كنت بحط فى ايدك المسمار
وبلبسك اكليل الشوك
سامحتنى و قولت ابنى حبيبى ومش هسيبك مهما عملت فيا
قولت انك معايا ومش هتسبنى دايما
قولتى لا تخف لكن انا
دايما خايف من كل حاجه فى حياتى
خايف من بكره بالرغم انه فى ايدك
وانت امين عليا
لاكن قسوه قلبى مش مخليانى اثق فيك
و بتخلينى اقول
انا مش بحس بيك لانى بعيد عنك
بعيد عن بيتك عن حضنك
بعيد عن عينك وانك مش شايفنى بالرغم
انى لو بصيت في عينك هلاقى حنان و حب و كل حاجه جميله
دايما بتقدم كل حاجه حلوه ليا و انا بردها بالشر و بالخطيه
حتى لو كانت تجربه صعبه انت بتساعدنى انى اعديها بس
مش غشاوه قلبى بقول انك سبتنى و بعد عنى
و الومك على التجربه دى
بتساعدنى و بتمدلى ايدك
بس غشاوه عنيا مش مخلينانى اشوف الى بتقدمهولى
بشوف الى عند غير و مش عندى
ومش بفكر فى الى عندى ومش عند غيرى
دايما بجرى ورا العالم وشهواته و الحياه
ومفكرتش اشوف نهايه حياتى و خلاصى هيبقى فين
سامحتى و مديت ايدك ليا بس
بقلبى القاسى رفض ايدك
ومن غير ما اقولك شكرا
فى قسوه اكتر من كده
انت ازاى مستحملنى بعد كل ده يا ربى
ازاى مستحمل الاسىء ده كلوا
ازاى مستحمل جفايا عليك كده
و كمان بتمدلى ايدك دايما
فى حب اعظم من كده
مستحيل يكون فى حب اعظم من حبك
يا ترى فكرت للحظه انت بتقدم ليسوع ايه !!!!!!!!!!!!!
اكيد سؤال صعب اوى