من زمان الهنا وعدنا...ليه بس وعده بتنسوه؟

من زمان الهنا وعدنا...ليه بس وعده بتنسوه؟
قال ثقو انا قدغلبت العالم ..يعنى حاولو انتو تغلبوه
عايزين نثبت فى ايمانا.مش نغضب وننتقم وعن ربنا نبعد ونتوه

من زمان واحنا بنسمع عن الاضطهاد
وياما قديسين صبرو واحتملوه.. بكل ثبات وعناد
احنا محتاجين نكون ثابتين فى محب ربنا ومش بعاد
ولو على الشدايد والضيقات..كلنا بنتمنى الاستشهاد

من سيفصلنا عن محبته؟؟كلنا فيه ثابتين
الهنا قوى وقادر يحمينا ويحمى الملايين
مش ممكن هانرد عالعنف بعنف ..هنصلى وهنفضل صامدين
احنا رسالتنا السلام ..ودة طبع المسيحيين

اللى سبقونا للسما ..هما دلوقتى مرتاحين
مع الملايكة بيهتفو وبيسبحو وفرحانين
كل يوم بيكترو فالسما ومش اخرهم شهداء كنيسة القديسين
لسة السنكسار مفتوح وهيسجل.. خليكم دايما مستعدين

الهنا استحمل كتير علشانا
اتعذب واتصلب واتجلد واتنازل وخد مكانا
خلونا نوهب قلوبنا وارواحنا ذبيحة محبة لألهنا
ولازم نثبت له.. اننا دايما ثابتين فى ايمانا

ياريت كلنا نرفع صلوات من كل قلوبنا
ونصلى مش بس بالكلمات..لأ..وبدمع عيونا
واكيد مش هنهون عليك يا يسوع ..زى ما عالعالم هونا
يارب ارجوك اتدخل وارحمنا وكون دايما فى عونا