كلامه لييييييييك

يأبني
مش اى ظرف بسيط يهزك
او تشك انى بعزك
وتسيب خيالك للشكوك
دا قبل حتى يوم ولادتك
يابنى عرفتك
قبل اهلك ما يشفوك
جاى تقولى انى سبتك
وانى مش شايف مصيبتك
وأعدائك راح يكسروك
طب افتكر أيام حداثتك
وازاى باسمى تمت ربايتك
مش فضل من امك وابوك
ولما فُجرك زود خطيئتك
لا قسيت عليك ولا عاقبتك
ولا هان على عنيا يسيبوك
عـلى الارض جيت وخدت شكلك
وعشت فى ظروفك وفى مشاكلك
وقبلت يابنى يصلبونى وما يصلبوك
ولأنك أنت غالى وبحبك
ما رضيتش أشوف ضعفك وجهلك
من ميراثك فى الأبدية يحرموك
فى الصليب سجنت لك إبليس عدوك
وسبت لك جسدي ودمى يجروا فى دمك
من شرورك ومن خطيئتك يغسلوك
وبتتهمنى وبتشهد بانى مش هاممني
لا دا أنت عالي وعندي غالي وهمك هاممني.............