عشانن مين جاى تموت

علشان مين جاى تموت.علشان ادم.علشان حوا اللى كسروا العهد واكلوا
علشان اول اخ فدنيا حسده لاخوه خلاه قتله
ولا سدوم ولا عمورة.علشان لوط ومراته واهله
علشان عيسو ولا اخوات يوسف ولا الناس فزمن موسي يستاهلو!!
علشان مين جيت يايسوع.ليه تستحمل جلد الصوط؟؟علشان مين جاى تموت
علشان مين جاى الدنيا جاى تخلص مين من النار
علشان شاول ولا داود ولاعشان شمشون الجبار
علشان قاتل علشان حاسد علشان حبة ناس اشرار
علشان شعب غليظ الرقبة جاى تتعذب وباصرار
علشان مين جيت يايسوع.ليه راضرى بسكون وسكوت؟علشان مين جاى تموت
علشان مين جاى تتجرب.جاى تدور ليه على خروف
ولا علشان سامرية مريضة ولا علشان مفلوج ملهوف
ولا جيت علشان الاعمى وياترى نظره خلاه يشووف
علشان بطرس ولا يهوذا ولا الباقى اللى جرى من الخوف
علشان مين جيت يايسوع.اصرخ فيهم ليه مكبوت
علشان مين جاى تموت.علشان تينة مفهاش ثمرة
ولا علشان تغسل الرجلين ولا علشان برباص اللص
جاى تخلص لص يمين جاى للصلب جاى للدبح
جاى للحربة وشوك فالجبين جاى تتعذب جاى تموت
مين يستاهل حبك مين.علشان مين جيت يايسوع
علشان مين قبلت الصلبوت.علشان مين جاى تموت
علشانى!!وعلشان ملايين.علشان حبة ناس ضايعين
جاى تتحاسب وانت برىء وليه تدفع انت الدين
هفضل اسال نفسي واجاوب.جاى تموت علشان مين؟
نفسي استاهل اقول علشانى وافرح بيك قايم من الموت
وسؤال فاضل هز كيانى.علشان مين جاى تموت
دا لما صلبوك اليهود.لالا لما صلبوك الرومان.بردو لا
عايز الحق لا يهود صلبوك ولا حتى رومان دا بايدى يارب انا صلبتك
اعمالى وشرى فايدى كرباج ونزلت بعزمى وجهلى جلدتك
اخرج من صمتك عنفنى وامسك كرباجى وكتفنى وبقوة حبك اضعفنى
دا انا ياما غلط وعذبتك تسليمك!تسليمك دا طبعى وهواية
وفلوس بيعك لسه معايا مع انك محفور جوايا
الخل اللى شربته عصيرى ومرار طعمه من تاثيرى وقصة قتلك من تدبيرى