صرخـــة.. بإيمـــان ..تنقل جبـــال

مفيش حد فينا ما مرش بتجربة او ضيقة قبل كدا
بس في ضيقة بتمر علينا وبتعدي بسرعة, وفي ضيقة بتطول وتقعد وتربع,

ودي حقيقية
بس اللي مش حقيقي,والي احنا غالباَ بنصدقه
هو اننا بنرمي كل لومنا على الظروف بانها هي اللي عملت فينا كدا, او على اشخاص في حياتنا هما السبب في اللي احنا فيه
انهردة لو انت حاسس انك ضحية لظروف اتحطيت فيها غصب عنك او ضحية لشخص اذاك وجرحك او يمكن خانك
حول نظرك عن كل الأسباب دي اللي قد تكون مجرد وهم حطه ابليس في دماغك عشان يقنعك بأنك مظلوم ومسكين وغلبان
لأن اوقات كتير بنبقى احنا السبب في حزن نفسنا, واحنا اللي بنضايق نفسنا بنفسنا
حتى لو كانت الناس ااو الظروف هما الأسباب الريئسية في جرحك او ألمك بيجي وقت بتتعود فيه على الألم والحزن والكسرة
وهنا بيكون دورك

بس انهردة انت عندك فرصـــــة..!
فرصة الله عايز يعمل فيها تغيير حقيقي في حياتك,
كل اللي عليك
تيجي
دلوقتي
قدام ربنا
وتصرخلــــه
صرخة
.
.
بس صرخة مختلفة
صرخة أيـــــــمان
ايمان ان كل صخور في حياتك هتنهدم, كل دمعة هتتمسح, كل جرح هيتشفي
ايمانك هو اللي هيحرك قلب ربنا

و تعالى أقبل عطية الله المجانية
هو عايز يديك حضنه المجاني لمسة ايده المجانية. شفاءه المجاني, تعويضه المجاني, افراحه
وتعزياته المجانية

كله انهردة عشانك هيكون مجاني عشان انت
مش حد عادي , ولا اتخلقت بالغلط .. انت مخلوق بهدف وقصد, متشكل بشكل مميز وفريد جدا
الله عايز يجعل رجلك كالأيائل , عايز يمسكك من ايدك ويمشيك على مرتعاتك.حب19:3
انهردة بشوية ايمان قد حبة خردل تقدر بيها بأسم يســـــوع.. تنقل كل جبــل اتبنى جوة قلبـــــك وفي حياتــــك..

وصلاة الايمــــان ..تشفي المريض.. والرب يقيمــــه.. وان كان قد فعل خطية تغفر له.يع15:15