مينا : ازى ما يردش على التليفون بتاعى؟؟؟
مع التطور فى العالم زاد ايضا التطور فى كبريائنا
وزاد اكتر بعدنا عن الله
قصة حصلت لواحد من جروبنا بس فيها تأمل حلو
الموبيل مينا كان ليه واحد صاحبه باسم بيحبه جدا
وفى بينهم عشرة حلوة عشرة طاهرة المهم
كان مرة مينا عاوز باسم فى موضوع
يتصل بباسم باسم ما يردش يتصل ما يردش زعل اوى
مينا: هو ايه الحكاية دى مش اول مرة يعملها
هو مش مقدرنى ولا ايه؟؟؟ احنا اصحاب ؟؟؟ ولا مش فارقه معاه
الغريب ان مينا زعل جدا جدا
مينا بالصدفه وهو ماشى شاف اب اعترافه
ابونا بطرس : مالك يا مينا؟؟؟ شكلك زعلان ليه كده
مينا : بصراحة موقف كده بسيط بس مضيقنى ابونا بطرس : خير يا مينا
مينا : بصراحة واحد من اصحابى اللى بحبهم دائما بتصل بيه وفى اغلب الوقت مش بيرد
وحصلت كتير وانا بصراحة الموضوع ده تعبنى
وانا اخذت قرار انى مش هتصل بيه تانى
ابونا بطرس : ياااه يا مينا؟؟ ده كله؟؟؟
لا يا حبيبى انت غلطان اكيد فى ظروف
واكيد هو كمان بيحبك
مينا : لو كان بيحبنى كان قدرنى
ابونا بطرس: وانت كنت عاوزه فى ايه؟؟
مينا : كان فى مصلحة ليه هقوله ليها
ضحك ابونا وقال : اسمع يا مينا كلمة واحفظها كويس
الللى تتصل بيه ومايردش اتصل بيه أنت على تليفون السما
مينا: تليفون السما؟؟؟؟
ابونا بطرس : ايوة يا حبيبى تليفون السما ده شغال 24 ساعة ومستحيل يقطع
مينا : انا مش فاهم
ابونا بطرس: يعنى صليله اطلب السما وصليله
اكيد صاحبك مدام ماردش عليك اكيد فى شئ منعه
ويمكن يكون شئ تعبه صليله ربنا يفتح مدارك عقله ويعطيه الحكمة ويشيل اى تجربه وحشه من طريقه
مينا : صح يا ابونا عندك حق انا هطلبه على تليفون السما
وقف مينا وصلى من اجل صاحبه اللى ما بيردش عليه فى التليفون
ربى والهى يسوع المسيح
اشكرك يا رب على انك ما زلت ترسل ليا
رسائلك من السماء فى ابسط امور حياتى
يا رب ارجو لا تمنعنى من الاتصال بك
لا تغلق اذنك عن صوتى
اجعلنى يارب دايما عندما لا اجد الناس
اجدك انت اجعلنى عندما اطلب حد
ولا يجيب اجدك انت تجيب
اذكر يا رب صاحبى و اذا كان ما بيردش عليا
اذكره انت امام منبرك المرهوب
احفظه وارعاه
واحفظ المحبه التى انت وضعتها فى قلبنا
انت القادر ان ترسل رسالتك السمائية له بدون تدخل بشر