البابا شنودة سايب كرسى مارمرقس و قاعد على الارض ؟؟؟؟؟؟

حد يعرف ايه قصه الصوره دى؟؟؟؟

تعالو نعرف مع بعض


الصوره ده كانت فى كنيسه السيده العذراء والشهيد مارجرجس بغبريال بأسكندريه وهى الكنيسه اللى بيرعاها قدس ابونا رويس مرقص وكيل قداسه البابا فى اسكندريه
فى الصوره ده كان سيدنا رايح عشان يدشن الكنيسه ومذبحها بعد انشائها وساعتها فضو الطريق والسوق كله هناك اتشال ووسيدنا كان جاى بسريه تامه منعا لتزاحم الناس وميعرفش يقوم بتدشين الكنيسه لكن الخبر اتسرب ان سيدنا رايح عشان يدشن الكنيسه والناس كلها قالت لبعض وبدأت الناس تروح تبات فى الكنيسه من قبلها بيوم كمان عشان تاخد بركه سيدنا
وفعلا الناس بدأت تروح الكنيسه من الفجر وكانت الكنيسه زحمه موت
المهم روحنا ودخل سيدنا وبدأت صلاه تدشين الكنيسه وهنا حصلت المفجأه اللى مكنش حد يتوقعها وهى ان سيدنا ساب الكرسى المرقسى اول ما وصل وقعد ع الارض زى مانتو شايفين فعلا كانت مفجأه ان بابا الكنيسه يجلس على الارض والشعب يجلسون على الكراسى
ولكن الناس ساعتها فكرت ان البابا مقعدش على الكرسى لان الكنيسه متدشنتش وقالو انه لما يقوم بتددشين المذبح هيقعد على الكرسى و بالفعل تم تكمله صلاه تدشين الكنيسه بمذبحها وتم تدشينها كامله وبرضو الناس لاقو ان البابا لما كان بيقعد كان بيسيب الكراسى كلها ويقعد قدام الكرسى ع الارض حتى الكراسى العاده اللى كانو جيبينهالو كان سايبها وبيقعد قدام الكرسى على الارض اليوم خلص والصلاه تمت ولكن الناس جواها سؤال ليه البابا مقعدش ع الكرسى طول اليوم وكان مفضل الجلوس ع الارض؟
حتى سكرتريه قداسه البابا الانبا ارميا والانبا يؤانس والانبا بطرس استغربو جدا لده؟
وبعدها الانبا يؤنس سأل قداسه البابا عن الحكايه دى تصورو مكنش قاعد على الكرسى ليه؟
سيدنا ساعتها رد ع الانبا يؤنس وقاله انا كنت شايف مارمرقس بنفسه قاعد على الكرسى ينفع اقوم معلمى وانا اقعد بداله؟
كان شرف وكفايا عليا ان انا أاقعد تحت رجليه.
يااااه يا سيدنا السما كلها كانت معاك على الارض فعلا انت تستحق ان مارمرقس بنفسه ييجى ويقف معاك وجمبك ويقويك على حمله اللى شيلته من بعده
ارجوك اذكرنا يا سيدنا فى صلاتك وشفعتك ولا تنسانا امام عرش النعمه