حوار مع عم كيهكى

- انــــــــــــا : ايه ده .. ايه ده .. انتااا .... انت رايح فين يا عم كيهك .
- عم كيهك : خلاص يا بنى .. بوكرة آخر يوم فى التسبحة الكيهكي .. و عم برموني داخل عليا من بعيـــــــــــــد .. شايفو آهو هناك آهو .. لازم قبل ما الشمس تغرب أكون لامم حاجاتى و راجع تانى
- عم برموني ! ده مين ده ؟
- ها ها ها .. ده راجل طيب .. هيقعد معاكو 3 أيام العيد ده .. عشان يخليكو تستعدوا كويس لعيد الميلاد
- بس انت مشيت بدري اوى السنة دى يا عم كيهك
- ما انت عارف يا بنى .. عم برموني آخد منى آخر يوم أحد .. عشان كده جتلكو بدرى السنة دى .. و أخدت الأحد الأخير من عم هاتور الراجل الطيب .. عشان لازم أكمل 4 آحاد معاكو .. بس يا رب عم هاتور ميزعلش
- هاها , طب انت هتوحشنا أوى يا عم كيهك و هتوحشنا ألحانك و سهراتك
- معلش يا بنى لازم ألم ألحاني و أمشي .. الوقت اتأخر .. هما كلهم لحن الذكصولوجية بتاع تين اتشيسي اممو و لحن الابصالية الواطس اللى هناك ده ايوة .. هاتو كده .. ايوة اللى هو العليقة ده .. كمان لحن الابصالية الآدام اللى هو زى مديح أجيوس أوثيئوس
و دور لي كدا على الشيرات الكيهكي .. هتلاقي حجمها كبير " أصلها أكبر حاجة "
و هاتلي كمان تفاسير تذاكية الأحد
بس متخافش انا سيبت ليكو شوية الحان م اللي بتحبوها
- طب بالنسبة للحن مقدمة الذكصولوجيات تى بارثينوس و لحن جى اف اسمارؤوت الكيهكي و امدح فى البتول و يا م ر ي م
هتآخدهم دول كمان
- آه صح كويس انك فكرتني هاتهم دول
- يا ريتنى ما فكرتك
- دول بتوعي انا بس .. روح بقى ناولنى بقى التاج بتاعي و الخاتم كمان
- تاج .... تاج إيه ؟
- يا بنى لحن التوزيع الكيهكي .. ده حتى اسمه على اسمي
و الخاتم .. لحن ال المزمور الكيهكي
دول بتوعي انا بس برضه
- ياااااااه ... ده انت كده ماسيبتش حاجة
- لا .. لا .. سيبتلكوا حاجات كتير
- فين .. فين .ها .؟
- يا بنى ده الصوم الكبير مليان الحان فى التسبحة من بتاعتي و عيد الميلاد اللى بعد عم برموني .. التسبحة بتاعتو فيها ال نصف الليل و الهوس الكبير و أل الهوس دول العيدية
- ياااااه .. ده فيه الحان حلوة أوى
بس انت برضه هتوحشنا اوى يا عم كيهك
احنا مش هنشوفك تانى ولا إيه
انت جاى امتى تانى ؟
- ها ها .. يوم 9 ديسمبر 2013 بالليل الساعة 12 كدا
هآجي تكونوا مستنيين
خاصة انه هيكون يوم إثنين
يلا بقى الشمس قربت تغرب
- ماشي سلام ..
بس خود دى كنت هتنساها
- دى ايه دى يا بنى
- ده الرومي و المعقب انت كنت هتنساه
- ها ها ها .. فعلاً كنت هنساهم
- خود كمان دى أريبصالين بتاعتك
- دى الحاجة الوحيدة بتاعتى اللى ممكن اسيبهالكم
أينعم هى بتاعتى و خاصة بيا .. لكن انتو زماااااان قعدتوا تقولوا : ( بنحبها يا عم كيهك .. سيبها يا عم كيهك )و انا مقدرش اكسفكم
- هتوحشني نغمات الحانك يا عم كيهك
- و انتو كمان هتوحشني سهركم و لمتكم فى الكنائس
تصلون الليل مع النهار زى الملايكة بالضبط
انتو بقيتو عاملين زى السيرافيم
لكن انا كل شوية هسأل عليكو .. و اشوفكوبتصلو التسبحة و لا لأ
التسبحة طووووووووووووووووول السنة
يلا .. أنا لازم أمشي عم برمونى جه آهو .. باى باى
باى باى يا عم كيهك
نشوفك السنة الجايــــــــــة
- أوجاى يا ولاد .. أوجااااااااااااااااااااااااااااى

» حوار مع تفل المذود
» حوار مع ملاكى الحارس
» حوار بين الإنسان وماضيه.....
» نفس تائبة و حوار مع قلبى
» حوار صريح مع مخلصنا المسيح